اسلام آباد۔19نومبر(اے پی پی) د ملګرو ملتونو د عمومي اسمبلۍ درېمې كمېټۍ د مقبوضه سيمو د خلكو د خپلواكۍ حق په اړه د پاكستان لخوا د وړاندې كړې شوي قراردار په يوه خله منظوري وركړې ده۔ پاكستان وئيلي دي چې زمونږ پام يوې داسې نړۍ جوړولو پلو دے چرته چې هر وګړے ظلم څخه لرې او وقار سره ژوند وكړے شي۔ په ملګرو ملتونو كښې د پاكستان مستقل استازي مېنر اكرم تېره ورځ د 65 هېوادونو مرستې سره سماجي ٬ انساني او كلتوري مسئلو لپاره د عمومي اسمبلۍ درېمه كمېټۍ كښې دا قرارداد وړاندے كړو كوم چې آسانۍ سره په يوه خله منظور كړے شو۔ پاكستان دا قرارداد كال 1981 څخه سپانسر كوي ٬ په كوم كښې چې د نړۍ پام د كشمير او فلسطين اولس پلو ګرځولے شي كوم چې د خپلواكۍ خپل نه منسوخ كېدونكي حق ترلاسه كوله له هڅې كوي۔ هيله ده چې د قرارداد متن به توثيق لپاره راروانه مياشت عمومي اسمبلۍ ته وړاندے كړے شي۔ پاکستانی مندوب قرارداد وړاندے كولو سره ووئيل چې ددې مقصد يوه داسې نړۍ جوړول دي چرته چې هر قوم ٬ هره ورورولي او هر وګړے وقار سره ٬ جبر څخه په آزاد چاپېريال كښې او د خپل سباؤن پخپله د تعين كولو صلاحيت لرلو سره ژوند تېر كړے شي۔ په قرارداد كښې د بشري حقونو په كونسل زور راوړلے شوے دے چې هغه دې د بهرنۍ پوځي لاس وهنې ٬ جارحيت يا قبضې په نتيجه كښې د بشري حقونو او په خاص توګه د خپلواكۍ حق لمينځه تللو پلو خاص پام وګرځوي۔ په قرارداد كښې عمومي سېكتر څخه د خپلواكۍ حق په معامله د عمومي اسمبلۍ په راروانه غونډه كښې د رپورټ وړاندې كولو خواست هم وكړے شو۔
د پاكستان لخوا د خپلواكۍ حق سره اړوند قرارداد عمومي اسمبلۍ په يوه خله منظور كړو
مضمون کا ماخذ : لاٹری کے نتائج
متعلقہ مضامین
