اسلام آباد 26 اپريل (اے پي پي) وزيراعظم شهباز شريف جامعه كراچۍ كښې په چاؤدنه كښې د چين وګړو په مرګ د غم دړد څرګندونه كولو سره وئيلي دي ټول پاكستاني قام په خپل’’ ائرن برادر ‘‘ شوي بريد باندې دړديدلے او غمجن دے، د پاكستان څخه د هر ډول ترهه ګرۍ ختمولو له لوظي يو،د پېښې به تند رفتاره پلټنې كولې شي او مجرمان به د قانون له مخې انجام ته رسولې شي۔ د دې خيالاتو څرګندونه ده د نهې په ورځ اسلام آباد كښې د چين سفارت دورې په موقع وكړه۔ وزيراعظم د چين ناظم الامور پھينګ چنګ ژو (Ms Pang Chunxue) سره ملاقات وكړو او په پېښه ئې د افسوس څرګندونه وكړه۔ په دې موقع وزيراعظم شهباز شريف د چين صدر شي جن پنګ لپاره خصوصي تعزيتي پيغام هم وليكلو۔ دغسې وزيراعظم شهباز شريف جامعه كراچۍ كښې په بريد كښې د چين وګړو په مړينه د غم دړد څرګندونه وكړه ۔ ده ووئيل پاكستان د چين حكومت، اولس او ځپلو كورنيو سره په دې غم كښې شريك دے، د ترهه ګرۍ د دې پېښې په سختو ټكو كښې غندنه كوو۔ده ووئيل د كورنيو چارو وزير رانا ثناءالله ته سبا كراچۍ ته د تللو سپارښتنه شوې، مجرمانو له د سزا تر وركولو به په قلاره سره نه كېښنو، د چين وګړو په مرګ كښې ككړ كسان به په سولۍ كولې شي۔ده ووئيل پاكستان او چين خپلو كښې نزدې اړيكې لري ، د دې بريد په وجه به د دواړه هېوادونو اړيكې نه ځپلې كېږي۔ وزيراعظم ووئيل مړه شوي او ژوبل كسان به په احترام سره خپلو كورونو ته رسولو لپاره ټول انتظامات كولې شي، پاكستان كښې د چينائي وګړو او ادارو امنيت ټينګولو له امر شوے ۔ وزيراعظم شهباز شريف تعزيتي كتاب كښې خپل تاثرات هم وليكل چې پكښې هغه وليكل مجرمان انجام ته رسولو كښې به هيڅ ډول بې غوري ونه كړې شي ۔ په دې مهال وزيراعظم شهباز شريف سره وفاقي وزير احسن اقبال، وفاقي وزيره مريم اورنګزيب، وزير مملكت حنا رباني كھر او د كورنيو چارو وزير رانا ثناءالله هم ملګري وؤ
د وزيراعظم شهباز شريف د چين سفارتخانې دوره، ټول قام په شوي بريد دړديدلے او غمغجن دے،د پېښې به ډېې زر پلټنې كولې شي او مجرمان به د قانون له مخې انجام ته رسولې شي۔شهباز شريف
مضمون کا ماخذ : اولمپس کے خدا
متعلقہ مضامین
