اسلام آباد ۔ 27 جولائی (اے پی پی) دفتر خارجہ آکھیا ہے جو ایں گالھ دے ناقابل تردید شواہد موجود ہن جو اساڈی مشرقی ہمسایہ ملک پاکستان اچ دہشت گردی تے دہشت گرداں دی معاونت تے پاکستان دے خلاف اپنڑی تے بئے ملکاں دی سرزمین استعمال کریندے پے ہن ۔افغان سیکورٹی فورسز ولوں اپریشن دے نتیجے اچ پاکستانی سفارتی عملے دی بحفاظت بازیابی تے خوشی تھی ہے ،پاکستان تے الزام تراشیاں انسداد دہشت گردی دی غرض نال کوششاں سانگے نقصان دہ ہے۔پاکستان دہشت گردی دے خلاف جنگ اچ بہوں جانی تے مالی قربانیاں ڈتیاں ہن ۔مقبوضہ کشمیر اچ بھارتی ظلم انسانی حقوق دیاں خلاف ورزیاں کوں اقوام متحدہ سمیت عالمی سطح تے نشابر کریندے رہسوں ۔اے گالھیں دفتر خارجہ دے ترجمان محمد نفیس زکریا خمیس کوں ہفتہ وار پریس بریفنگ دے دوران صحافیاں دے مختلف سوالاں دا جواب ??یندے ہوئیں آکھیا ں ۔ترجمان مدرسیں اچ زیر تعلیم طالباں کوں افغانستان اچ تخریب کاری سانگے استعمال کرنڑ دے حوالے نال افغان حکومت دے الزام کوں مس??رد کریندے ہوئیں آکھیا ہے جو پاکستان دا افغانستان کوں تعلیمی شعبے اچ تعاون دی فراہمی اچ نمایاں کردار ہے تقریب 50ہزار افغان طالباں تے طالبات پاکستان دے تعلیمی اداریں اچ تعلیم حاصل کیتی ہے جیرھے جو ہنڑ اپنڑے ملک اچ ملازمتاںکریندے پن جڈاں جو ترائے ہزار توں ودھ افغان طالب علماں سکالر شپ نال اتھاں تعلیم پوری کیتی تے حکومت پاکستان مزید ترائے ہزار افغان طالباں کوں پاکستان دے تعلیمی اداریں اچ سکالر شپ ڈیونڑ دا اعلان کیتا ہے ۔ترجمان انسداد دہشت گردی دے حوالے نال افغانستان اتے امریکا دے الزامات کوں مس??رد کریندے ہوئیں آکھیا ہے جو نائن الیون دے بعد پاکستان عالمی سطح تے دہشت گردی دی روک تھام سانگے ودھ سارا تعاون کیتا ہے ،دہشت گردی دے خلاف اپریشن اچ اساڈے ہزاراں جوان تے شہری شہید تھے ہن تے ملک کوں ارباں ڈالر دا ضیان تھیا ہے ۔جڈاں جو دہشت گردی دی روک تھام سانگے اپریشن ضرب عضب ،رد الفساد تے خیبر کامیابی نال جاری ہے ۔امریکہ ??میت اساڈی کامیابی دا اعتراف کیتا ہے جڈاں جو پاکستان دہشت گردی کوں منڈھوں مکاونڑ سانگے وڈے پیمانے تے خرچہ کریندا پیاہے ۔
ایں گالھ دے ناقابل تردید شواہد موجود ہن جو اساڈی مشرقی ہمسایہ ملک پاکستان اچ دہشت گردی تے دہشت گرداں دی معاونت کریندا ہے ،افغان سیکورٹی فورسز ولوں اپریشن دے نتیجے اچ پاکستان سفارتی عملے دی بحفاظت بازیابی تے خوشی تھی ،دفتر خارجہ
مضمون کا ماخذ : resultados loteria São Paulo
متعلقہ مضامین
