اسلام آباد ۔ یکم فروری (اے پی پی) وزارت داخلہ دے ترجمان ‘ حافظ محمد سعید دی نظربندی بارے بھارت دی وزارت خارجہ اموردے بیان تے ردعمل دا اظہار کریندیں ہوئیں آکھیا جو حافظ سعید دے معاملہ تے پاکستان کوں بھارت توں کہیں سرٹیفیکیٹ یا توثیق دی لوڑھ کائنی،حکومت پاکستان جماعت الدعوة بارے دسمبر2008ء اچ اقوام متحدہ دی سلامتی کونسل دی قرارداد1267ء دی روشنی اچ آپنڑی ذمہ واریاں پوری کیتین۔متعلقہ قرارداد دے تحت ہتھیاراں تے سفر تے پابندی اتے اثاثے منجمد کرنڑجیہے اقدامات چاتے ونجنڑے ہن جڈانجو سابقہ حکومتاں ولوں کجھ وجوہات پاروں ایجھا کائنی کیتا گئیا۔ترجمان آکھیا جو بھارت حافظ سعید دی سرگرمیاں کوں مسلسل پاکستان کوں بدنام کرنڑ دے طور استعمال کریندا پئے ۔بین الاقوامی برادری کوں ایں دا نوٹس گھنڑاں چاہیدااے اتے ایں بارے آگاہ ہوونڑاں چاہیدا اے جو پاکستان ہک جمہوری معاشرہ اے جتھاں عدلیہ آزاد اے جیڑھی جو آزادانہ اتے شفاف فیصلے کریندی اے۔ترجمان آکھیا جو اگر واقعی بھارت آپنڑے الزامات تے سنجیدہ اے تاں اونکوں حافظ محمد سعید دے خلاف پکے ثبوت ڈیونڑے چاہیدن جیڑھا جو پاکستان دی عدالت یا دنیا اچ کہیں وی قابل قبول ہوون۔کہیں پکے ثبوت دے بغیر الزام تراشی نال خطہ اچ امن دے نصب العین اچ مدد کائنا ملسی۔ترجمان بئیا آکھیا جو پاکستان بھارت توں حالی تئیں ایں بارے وضاحت اتے جواب دا منتظر اے جو سمجھوتہ ایکسپریس تے بم حملہ جئیں اچ68پاکستانی شہری جاں بحق تھیے ہن ،اچ ملوث سارے ملزم کینویں چھوڑ ڈتے گئن ۔
حافظ سعید دے معاملہ تے پاکستان کوں بھارت توں کہیں سرٹیفیکیٹ یا توثیق دی لوڑھ کائنی، ،ترجمان وزارت داخلہ
مضمون کا ماخذ : بک آف ڈیڈ
متعلقہ مضامین
