اسلام آباد ۔ 5 اکتوبر (اے پی پی)وزیراعظم محمد نواز شریف بیلاروس دے تاجراں اتے صنعت کاراں کوں مختلف شعبیاں اچ سرمایہ کاری دی دعوت ڈیندیں ہوئیں آکھیا جو او پاکستان اچ سرمایہ کاری سانگے دستیاب سہولتاں اتے چنگے مواقعیاں توں فائدے چاون۔بدھ کوں اتھاں چوتھے کستان بیلارس مشترکہ انوسٹمنٹ اینڈ بزنس فورم نال خطاب کریندیں ہوئیں انہاں آکھیا جو وزراء کوں ہدایت ڈتی گئی اے جو او ڈو پاسہ تعلقات کوں مستحکم کرنڑ سانگے موثر اقدامات کیتے ونجن ۔انہاںآکھیا جو فورم دے انعقاد دا مقصد سرمایہ کار اں دا پاکستان تے اعتماد دا مظہر اے۔وزیرا عظم نواز شریف ملک دی اقتصادی صورتحال دا ذکر کریندیں ہوئیں آکھیا جو اقتصادی ٹیم سخت محنت نال ملک کوں درپیش مسئلیاں توں باہر کڈھیا۔انہاں آکھیا جو 2013ء اچ جڈاں اقتدار سنبھالیا تاں ترائے وڈے چیلنج درپیش ہن جہاں اچ بجلی دی گھٹکی ،دہشت گردی اتے معاشی چیلنج درپیش ہن ۔انہاں آکھیا جو اساں بے روزگاری اتے غربت دے خاتمے سانگے وی اقدامات کیتے ہن ۔پاکستان اسٹاک ایکسچینج تریخ دی اُچی سطح تے پُج گئی اے۔آئی ایم ایف نال 33سالہ پروگرام کامیابی نال پورا کیتے۔اقتصادی بحالی دے نال نال شرح نمو اچ ودھارا تھیے۔افراط زر دے شرح گھٹ ترین سطح تے آ گئی اے۔انہاں آکھیا جو وزیر خزانہ خصوصی طور برآمدات دے ودھارے سانگے کئی اقدامات کیتے ہن ۔وزیرا عظم آکھیا جو توانائی دے شعبے اچ طویل المدت منصوبے شروع کیتے ہن ۔انہاں آکھیا جو بیلاروس دے صدر اتے انہاں دے وفد کوں پاکستان اچ خوش آمدید آکھدے ہوئیں آکھیا جو او سرمایہ کاری سانگے دستیاب سہولتاں اتے مواقعیاں توں فائدہ چاون ۔انہاں آکھیا جو ملک اچ آزادانہ سرمایہ کاری دا نظام اتے ودھدی ہوئی کنزیومر مارکیٹ موجود اے۔
وزیر اعظم دا چوتھے پاکستان بیلاروس مشترکہ انوسٹمنٹ اینڈ بزنس فورم نال خطاب
مضمون کا ماخذ : گنہادورس دا میگا سینا
متعلقہ مضامین
