اسلام آباد۔21اکتوبر(اے پی پی)وفاقی وزیر اطلاعات، نشریات، قومی ورثہ و ثقافت ??طاءاللہ تارڑ کھیے جو 26 و??ں آئینی ترمیم دی منظوری ملکی تاریخ اچ اہم سنگ میل اے، تاریخ ثابت کریسی جو آئینی ترمیم عوام دے حق اچ اے، ایندے نال پاکستان دے عوام، ر??است پاکستان اتے جمہوریت دی فتح تھئی اے۔ اے ڳالھ انہاں 26 و??ں آئینی ترمیم دی منظوری تے پاکستان پیپلز پارٹی دے چیئرمین بلاول بھٹو زرداری، جمعیت علمائے اسلام دے سربراہ مولانا فضل الرحمان، وفاقی کابینہ دے ارکان، ساریاں اتحادی جماعتاں اتے قوم کوں مبارک ݙیندے آکھی۔ انہاں آکھیا جو آئینی ترمیم نال آئینی و قانونی معاملات ٻئے تکڑے تھیسن، 26 و??ں آئینی ترمیم تے ودھ صلاح مشورہ تھئے، حکومت پوری کوشش کیتی اے جو آئینی ترمیم تے ات??اق رائے ہووے، 26 و??ں آئینی ترمیم دی منظوری جمہوریت دی کامیابی اے ڄیکؤں ہمیشہ تاریخ اچ یاد رکھیا ویسی، قائداعظم محمد علی جناح آئینی عدالت دی سوچ دی بنیاد رکھی ہئی، آئینی ترمیم نال عوام کوں انصاف سانڳے رکاوٹاں دور تھیسن۔ انہاں آکھیا جو سیاست اچ ضد نئیں ہوندی، آئینی ترمیم دی منظوری میثاق جمہوریت دے ایجنڈے دی تکمیل اے، ایندے نال ملک اچ قانون دی حکمرانی اتے بالادستی کوں منیا ویسی، عدلیہ اچ تقرریاں اتے ججز دی کارکردگی پرکھݨ اچ شفافیت آسی اتے پارلیمان بالادست ادارہ ٻݨ تے اٻھرسی اتے آزادی نال اپݨا کم کریسی
