اسلام آباد۔1جولائی (اے پی پی):پاک فضائیہ دے سربراہ ایئر چیف مارشل ظہیر احمد بابر سدھو ترکی دے شہر قونیا اچ تریجھے مین جیٹ بیس دا دورہ کیتے جتھاں انہاں کثیر الملکی فضائی مشق “اناطولین ایگل-2021” دا معائنہ کیتے۔ پاک فضائیہ دے ترجمان موجب ایئر چیف کوں فضائی مشق دے انعقاد بارے تفصیلی بریفنگ ݙتی ڳئی ۔ شرکا دے نال ??ال کریندے ہوئیں ایئر چیف مشق اچ شامل ایئرکریو دیاں آپریشنل تیاریاں اتے پیشہ ورانہ مہارت دی تعریف کیتی ۔ انہاں حقیقی جنگی تناظر اچ اثاثیں دی ہم آہنگی اتے انہاں دے فضائی آپریشنز دے دوران موثر استعمال کیتے تربیت دی اہمیت تے وی زور ݙتا ، انہاں مزید آکھیے جو “ایں طرز دیاں مشقاں دوست ملکاں دی فوج وچال ہم آہنگی اتے تعاون دے حصول اچ بے حد مؤثر ثابت تھیندئن۔”اناطولین ایگل مشترکہ فضائی مشقاں ترکی اتے پاکستان اچ ہر ??ال واری واری منعقد کیتیاں ویندن ۔ ام??ال ایں مشق اچ ترکی، آذربائیجان، پاکستان اتے قطردی فضائی افواج شرکت کریندیاں پئن۔ پاک فضائیہ دا دستہ جے ایف۔17 تھنڈر طیاریں ت?? مشتمل اے جیں اچ پی اے ایف دیاں مختلف یونٹاں اتے اسکواڈرنز دا تربیت یافتہ عملہ شریک اے۔ مشق دا مقصد حصہ گھنݨ آلی فضائی افواج وچال سانجھے آپریشنل استعداد کوں ودھارا ݙیوݨ اے ۔
پاک فضائیہ دے سربراہ ترکی اچ جاری مشترکہ فضائی مشق “اناطولین ایگل -2021” دا معائنہ کیتے
مضمون کا ماخذ : میگا فارچیون
متعلقہ مضامین
