شارجه-04 آڪٽوبر (اي پي پي) شارجه جي حڪمران ۽ سپريم ڪائونسل جي ميمبر، شيخ ڊاڪٽر سلطان بن محمد ال??اس??ي زور ڀريو آھي ته شارجه ۾ قدرتي ذخيرا ماڻھن جي گھمڻ ڦرڻ جا ھنڌ نه آھن، پر اھي جنگلي ٻوٽن، وڻن، جانورن، جيتن ۽ ريڙھيون پائيندڙ جانورن جي تحفظ لاءِ ھڪ متوازن ماحول فراهم ڪندڙ آھن ته جيئن قدرتي دنيا جو توازن برقرار رهي سگھي. پرڏيھي خابرو اداري جي رپورٽ مطابق ”ڊائريڪٽ لائن“ پروگرام ۾ ھڪ ٽيليفونڪ ڳالھه ٻولھه دوران، شيخ س??طان وضاحت ڪئي ته ھي قدرتي ذخيره ختم ٿيڻ وارين جنسن، جن ۾ پکي، ج??ت ۽ ريڙھيون پائيندڙ جانور شامل آھن، انهن کي ھڪ محفوظ پناھه گاه فراھم ڪن ٿا ۽ عوام جي پھچ انھن جي حفاظت کي خطري ۾ وجھي سگھي ٿي. ھن الدھيد روڊ تي ھڪ نئين ماحولياتي منصوبي جو پڻ اعلان ڪيو، جتي اٺ، ٻڪريون، رڍون ۽ گھوڙا ھڪ وڏي خاردار علائقي اندر آزاد گھمندا ۽ ماڻھن جي مشاھدي لاءِ اتي پارڪنگ جي سھولت به دستياب ھوندي. شارجه جي حڪمران قدرتي خزانن جي تحفظ جي اھميت تي روشني وڌي، جن ۾ رڳو شارجه ۾ ملندڙ منفرد جنسون شامل آھن. ھن اتي جي رھواسين کي قدرتي ماحول جو احترام ڪرڻ جي اپيل ڪئي. ھن ماحولياتي تحفظ لاءِ پنھنجي وابستگي جو ورجاءُ ڪيو، جنھن کي ھو 1972ع کان جاري رکيو پيو اچي. شيخ س??طان قدرتي ذخيرن اندر قدرتي توازن تي به زرو ڀريو، جتي جھنگلي جيوت پرڏيھي مداخلت بنا واڌ ويجھ ڪري سگهي.
شارجه ۾ نئين ماحولياتي منصوبي جو اعلان، اٺ، ٻڪريون ۽ رڍون آزاد گھمنديون
مضمون کا ماخذ : resultados loteria São Paulo
متعلقہ مضامین
