اسلام آباد۔15اکتوبر (اے پی پی) شنگھائی تعاون تنظیم (ایس سی او) دے رکن ملکاں دی کونسل آف دی ہیڈز آف گورنمنٹ (سی ایچ جی ) دا 23 واں ݙو ݙینھ واری اجلاس منگ?? کوں دارالحکومت اسلام آباد اچ شروع تھیندا پئے جئیں اچ تنظیم دے رکن ملکاں دے اراکین اتے ٻئی سݙی ڳئی ریاستاں دے مندوبین دی پاکستان آمد دا سلسلہ جاری اے۔ وفاقی دارالحکومت دے جناح کنونشن سینٹر اچ تھیوݨ آلے سربراہان حکومت دے اجلاس دی صدارت وزیر اعظم شہباز شریف کونسل دے موجودہ چیئر دے طور کریسن۔ پاکستان 26 اکتوبر 2023 کوں کرغزستان دے دارالحکومت بشکیک اچ تھیوݨ آلے اجلاس اچ 2023-24کیتے سربراہان حکومت دی کونسل (سی ایچ جی ) دے چئیردے طور آپݨٰی ذمہ واری سنبھال ڳھدی ہن۔ حکومت دے سربراہان دی کونسل شنگھائی تعاون تنظیم دے اندر ݙوجھا اعلیٰ ترین فورم اے، جئیں دی بنیادی توجہ سماجی، اقتصادی، تجارت اتے مالیاتی شعبیاں اچ رکن ملکاں وچال تعاون ودھاوݨ تے اے۔ کونسل سال اچ ہ?? واری اجلاس کریندی اے تانجو تنظیم دے اندر کثیر جہتی تعاون اتے ترجیحی شعبیاں دی حکومت عملی تے ڳالھ مہاڑ، اقتصادی اتے ٻئے شعبیاں اچ بنیادی اتے اہم مسئلیاں دا تعین کر سڳے اتے ایس سی او دے بجٹ کوں منظور کر سڳے۔ سر براہی اجلاس اچ شرکت کرݨ آلے شنگھائی تعاون تنظیم دے رکن ملکاں دے سربراہان اچ چین دے وزیر اعظم اتے سٹیٹ کونسل لی چیانگ ، بیلاروس دے وزیر اعظم رومن گولووچینکو، قزخستان دے وزیر اعظم اولزہاس بیکتانوف ، روس دے وزیر اعظم میخائل میشوسٹن، تاجکستان دے وزیر اعظم کوہر رسول زادہ، ازبکستان دے وزیر اعظم عبداللہ عاریفوف ، کرغزستان دے وزرا دی کابینہ دے چیئرمین ظفروف عقیل بیک ، ایران دے اول نائب صدر محمد رضا عارف اتے بھارت دے وزیر خارجہ سبرامنیم جے شنکر شامل ہن۔ ایں توں علاوہ منگولیا دے ہک مبصر ریاست دے طور سربراہی اجلاس اچ شرکت کریندا پئے جئیں دی نمائندگی وزیر اعظم اویون اردین لویسنا مسرایی کریندے پئن۔ ترکمانستان دی بطور مزمان خصوصی نمائندگی ترکمن وزراء دی کابینہ دے نائب چیئرمین راشد مریدوف کریندے پئن۔ اجلاس اچ شرکت کرݨ آلی ٻئی اہم شخصیات اچ ایس سی او دے سیکرٹری جنرل ژانگ منگ، ڈائریکٹر ایگزیکٹو کمیٹی ایس سی او ریجنل اینٹی ٹیررسٹ سٹرکچر رسلان مرزایوف ، بورڈ آف ایس سی او بزنس کونسل دے چیئرمین عاطف اکرام شیخ اتے کونسل آف ایس سی او انٹر بینک یونین دے چیئرمین مارات یلی باؤف شامل ہن۔ وزیر اعظم شہباز شریف منگل دی شام تقریب اچ شریک معزز مزماناں دی اعزاز اچ استقبالیہ عشائیہ ݙی??ن۔ علاقائی رہنما کل (بدھ)کوں جناح کنونشن سینٹر اچ معیشت، تجارت، ماحولیات، سماجی و ثقافتی روابط دے شعبیاں اچ جاری تعاون تے ڳالھ مہاڑ اتے تنظیم دی کارکردگی دا جائزہ ڳھنسن۔ اجلاس اچ شنگھائی تعاون تنظیم دے رکن ملکاں وچال تعاون کوں ودھاوݨ اتے تنظیم دے بجٹ دی منظوری کیتے اہم تنظیمی فیصلے وی کیتے ویسن۔ باضابطہ اجلاس شروع تھیوݨ توں پہلے وزیراعظم شہباز شریف قائدین دا استقبال کریسن جئیں دے بعد گروپ فوٹو سیشن تھیسن۔ اجلاس اچ شریک قائیدن دے بیانات توں پہلے وزیراعظم شہباز شریف دے ابتدائ?? کلمات نال اجلاس دی کاروائی شروع تھیسی۔ اجلاس اچ شریک رہنماواں ولوں مختلف دستاویزات تے دستخط دے بعد وزیراعظم چھیکڑ?? کلمات پیش کریسن۔ نائب وزیراعظم اتے وزیر خارجہ اسحاق ڈار، ایس سی او دے سیکرٹری جنرل ژانگ منگ نال ݙو ݙینھ دے سربراہی اجلاس دی جھلکیاں اتے نتیجے تے ڳالھ مہاڑ کیتے میڈیا بیانات ݙی??ن۔ وزیراعظم شہباز شریف اجلاس اچ شرکت کرݨ آلے رہنماواں دے اعزاز اچ بدھ کوں سرکاری ظہرانہ وی ݙی??ن۔ دفتر خارجہ دی ترجمان ممتاز زہرہ بلوچ ہک بیان اچ آکھیا جو پاکستان ولوں شنگھائی تعاون تنظیم (ایس سی او) دے رکن ملکاں دے سربراہان حکومت دے اجلاس دی میزبانی نال تنظیم دے مقاصد اتے اصولاں کیتے پاکستان دے مستقل عزم دی عکاسی تھیندی پئی اے۔ 2017 اچ شنگھائی تعاون تنظیم دکا رکن ٻݨݨ دے بعد توں پاکستان ہمیشہ تنظیم دے رکن اتے پڑوسی ملکاں نال تعلقات کوں مضبوط ٻݨاوݨ کیتے مستقل اتے تعمیری کم کیتے۔
ایس سی او دے رکن ملکاں دے سربراہان حکومت دا 23 واں ݙو ݙوینھ واری اجلاس، رکن ملکاں دے اراکین اتے ٻئے مندوبین دی پاکستان آمد دا سلسلہ جاری اے
مضمون کا ماخذ : اسکریچ کارڈ پاکستان
متعلقہ مضامین
