اسلام آباد۔3ستمبر(اے پی پی)وزیراعظم محمد شہبازشریف ملک اچ معاشی استحکام، محصولات وصولی اچ بدعنوانی روکݨ، سمگلنگ مکاوݨ، روزگار ݙیوݨ اتے اخراجا ت ڳھٹاوݨ دا عزم کریندے آکھیے جو مہانڳ دا ٻھار ہولے ہولے ڳھٹدا پئے، ملک اپ??ے پیریں تے کھڑا تھی تے ضرور ترقی کریسی۔ اے ڳالھ انہاں اسلام آباد اچ وفاقی کابینہ دے اجلاس دی اڳواݨی کریندے آکھی۔
ISLAMABAD: September 03 – Prime Minister Muhammad Shehbaz Sharif chairs a meeting of the Federal Cabinet. APP/TZD
وزیراعظم آکھیے جو اگست اچ افراط زر دی شرح 9.6 فیصد تے آڳئی اے ڄیڑھی ہک چنڳی ڳالھ اے جیندے تے وزیرخزانہ، گورنر سٹیٹ بینک اتے ساریاں متعلقہ وزارتاں دی کارکردگی بہترین رہی اے جو اے ہک چن??ی کامیابی اے۔ انہاں آکھیا جو ساکوں تیزی نال اپ??ی معیشت کوں ترقی ݙیوݨی اے، استحکام ڳھن آوݨے، روزگار ودھاوݨے، اخراجات ڳھٹاوݨن جیندے کیتے رائٹ سائزنگ اتے ڈائون سائزنگ تے عمل ضروری اے، بجلی اتے گیس دے گردشی قرضیاں کوں وی ڳھٹاوݨا ہوسی، ٹیکس چوری اتے بدعنوانی روکݨی اے، سمگلنگ وی مکاوݨی اے جیندے تے ݙینھ رات کم تھیندا پئے۔ وزیر اعظم آکھیے جو ترقی دا پندھ اوکھا ضرور اے ٻھل ناممکن نئیں، ڄیکر اساں اپ??ے اہداف تے توجہ ݙیووں تاں اپ??ی منزل تے پڄ ویسوں اتے اپ??ے مقاصد پورے کر ڳھنسوں، اساں معیشت دی بہتری کیتے بہترین اقدامات کریندے پئے ہیں، ݙینھ رات محنت کرݨ آلیاں قوماں اپ??ے حالات سدھار ڳھدن، پاکستان کوں الل?? تعالیٰ معدنیات، قدرتی وسائل اتے قابل اذہان ݙتن، پاکستانی قوم خاص کر نوجوان ٻہوں باصلاحیت ہین، آئی ایم ایف پروگرام دی ضروریات سانڳے اقدامات کیتے ویندے پن، آئی ایم ایف بورڈ اچ ساݙا کیس ویسی تاں نواں سفر شروع تھیسی ٻھل اے ملکی تاریخ دا آئی ایم ایف دا چھیکڑی پروگرام ہووݨا چاہیدے، ملک اپ??ے پیرین تے کھڑا تھیسی تاں ترقی کریسی۔
