اسلام آباد ۔ 5 فروری (اے پی پی) صدر ڈاکٹرعارف علوی یوم یکجہتی کشمیردے موقع تے آزاد کشمیر قانون ساز اسمبلی دے خصوص اجلاس نال خطاب کریندے ہوئیں بھارت توں مطالبہ ک??تے جو مقبوضہ کشمیر اچ سارے سیاسی قیدیاں کوں رہا کیتا ونجے ، اظہار رائے دی آزادی ڈتی ونجے تاں جو لوک اپنڑی گال کر سگن ، نہتے عوام تے آتشیں اسلحے دا استعمال بند کیتا ونجے ، پیلٹ گنز دا استعمال وحشیانہ اے ایندے تے پابندی لاتے ونجے ،مقبوضہ کشمیر اچ رائج جارحانہ اتے کالے قونین واپس گھدے ونجن،مقبوضہ کشمیردی قیادت کوں سفر دی اجازت ڈتی ونجے تاں جو کشمیری قیادت عالمی برادری دے سامنڑے اپنڑاں نقطہ پیش کر سگے ، عالمی میڈیا اتے س??شل میڈیا دے رابطے برقرار رکھیے ونجن تاں جو غلط اتے صحیح دا پتہ لگ سگے ،صدر ڈاکٹر عارف علوی اقوام متحدہ توں وی مطالبہ کریندے ہوئیں آکھیا جو مقبوضہ کشمیر دی صورتحال جاڑنڑ ک??تے اقوام متحدہ ہک فیکٹ فائنڈنگ مشن مقبوضہ کشمیر بھیجے تاں جو کشمیری مسلماناں اتے پاکستان دے نال ک??تے گے وعدے پورے تھی سگن ،کشمیریاں دی بے مثال قربانیاں رنگ گھن آسن تے آزادی دا سجھ ابھرسی ، پاکستان آزاد کشمیر دی ترقی ک??تے اپنڑاں کردار ادا کریندا رہ ویسی تے خطے کوں ماڈل بنڑاونڑ ک??تے سارے دستیاب وسائل استعمال اچ گھن آئے ویسن۔مقبوضہ کشمیر دی آزادی ک??تے پاکستان اپنڑی بھرپور سیاسی ، سفارتی اتے اخلاقی حمایت جاری رکھیسی ،مقبوضہ کشمیردے بھراواں کوں یقین ڈیوینداں جو پاکستان ہمیشہ انہاں دے رلے کھڑارہسی ۔صدرمملکت ڈاکٹر عارف علوی آزاد کشمیرقانون ساز اسمبلی دے خصوصی اجلاس اچ شرکت کیتی ،5 فروری کوں یوم یکجہتی کشمیر دے حوالے نال آزاد کشمیر قانون ساز اسمبلی دا خصوصی اجلاس منعقد کیتا گیا تاں جو کشمیریاں دی جدوجہد آزادی دی حمایت کیتی ونج سگے ۔ اجلاس نال خطاب کریندے ہوئیں صدر ڈاکٹر عارف علوی آزاد کشمیردے وزیراعظم راجہ فاروق حیدرخان، قانون ساز اسمبلی دے س??یکرشاہ غلام قادر، گلگت بلتستان دے وزیراعلی حافظ حفیظ الرحمن اتے انہاں دی کابینہ دے اراکاں سمیت خصوصی اجلاس اچ شرکت کرنڑ آلی قیادت دا شکریہ ادا کریندے ہوئیں آکھیا جو اج پاکستان دی حکومت تے عوام مقبوضہ کشمیر دے مجبور تے مظلوم عوام دے نال اظہار یکجہتی کریندوں تے جیرھے جو گزریل کئی دہائیاں توں اپنڑے حق خود ارادیت دی پرامن جدوجہد جاری رکھی پن ۔انہاں آکھیا جو کشمیرتے صرف کشمیریاں دا حق اے تے ایندا فیصلہ وی اہل کشمیرہی ہی کرنڑاں اے ۔ایندے توں پہلے مظفرآباد پجنڑ تے صدر مملکت ڈاکٹر عارف علوی یادگار شہداءتے پھل چڑھائے تے فاتحہ خوانی کیتی ۔ ایں موقع تے آزاد کشمیردے وزیراعظم راجہ فاروق حیدرخان اتے بئے سیاسی رہنماواںوی صدرمملکت نال ملاقات کیتی ۔ آزادکشمیر قانون ساز اسمبلی دے خصوصی اجلاس دا آغاز تلاوت کلام پاک نال تھیا ایں موقع تے نعت خوانی وی کیتی گئی ۔ایندے علاوہ لائن آف کنٹرول(ایل او سی) دی ڈوہیں پاسوں بھارتی فائرنگ دے شہداءدے ثواب ک??تے دعا وی کیتی گئی ۔ اجلاس نال پاکستان تحریک انصاف(پی ٹی آئی)، جماعت اسلامی، مسلم کانفرنس، پاکستان پیپلزپارٹی دے رہنماواں سمیت وزیراعظم آزاد کشمیرراجا فاروق حیدر وی خطاب کیتا تے یوم یکجہتی کشمیردے حوالے نال پاکستان دے کردار دی تعریف کیتی تے پاکستانی عوام ، حکومت اتے اداریں دا شکریہ ادا کیتا ۔
مقبوضہ کشمیر اچ سارے سیاسی قیدیاں کوں رہا کیتا ونجے ،نہتے کشمیریاں تے اسلحے دا استعمال بند کیتا ونجے ،صدر مملکت ڈاکٹر عارف علوی
مضمون کا ماخذ : پاور بال کے نمبر
متعلقہ مضامین
