اسلام آباد۔26نومبر (اے پی پی) وفاقی وزیر داخلہ محسن نقوی آکھیا جو مظاہرین کوں ہرصورت روکݨ کیتے آئی جی اسلام آباد پولیس کوں پورے اختیارات ݙے ݙتن۔ حکومت جانی نقصان نی چاہندی۔ پوری کوشش اے جو گولی دا جواب گولی نال نہ ݙتا ونڄے۔ طاقت دے استعمال نال جانی ضیان دا ݙر اے۔ ایں احتجاج دے پچھوں جی??ھے وی لوک اتے محرکات ہن او جلدی پکے ثبوتاں نال عوام دے سامھے رکھیسوں۔ ہک خفیہ ہتھ پی ٹی آئی دی باقی قیادت کوں زیرو کر ݙتے۔ او منگ کوں ڈی چوک دےدورہ دے موقع تے میڈیا نال ڳالھ مہاڑ کریندے پئے ہن۔ آئی جی اسلام آباد سیدعلی ناصر رضوی، چیف کمشنر اسلام آباد محمد علی رندھاوا ، ڈپٹی کمشنر عرفان نواز میمن وی انہاں دے نال ہن۔ وفاقی وزیر داخلہ محسن نقوی آکھیاجو پی ٹی آئی آلے ݙو واری سنگجانی تے احتجاج کرݨ کیتے تیار تھی ڳئے ہن۔ ایں کیتے سیز فائر تھیا اتے اساں راہ کھولیے ہن۔ انہاں آ??ھیا جو ہک کلومیٹر دے فاصلے تے ہک ملک دے سربراہ مزمان خصوصی دے طور موجود ہن۔ اے شیلنگ اتے ہنگامہ دی فوٹیج ملک دی بدنامی اے۔ وزیر داخلہ محسن نقوی آکھیا جو ایں ویلھے تئیں 4 سکیورٹی اہلکار شہید، ای?? پی، 4 اے ای?? پیز سودھے 80 توں ودھ اہلکار زخمی تھین جئیں اچوں ݙاہ نینگراں دی حالت تشویشناک اے۔ ہک سوال دے ولدے اچ انہاں آ??ھیا جو پی ٹی آئی آلے ترائے توں چار قافلے آئے ہن جی??ھے اسلام آباد آئن۔ انہاں اچوں ݙو تربیت یافتہ لوک ہن انہاں دی سنڄاݨ کر ڳھدی ڳئی اے۔ پنجاب توں ہک بندہ وی کائنی آیا۔ سارے لوک خیبرپختونخوا توں آئن۔
مظاہرین کوں ہرصورت روکݨ کیتے آئی جی اسلام آباد پولیس کوں پورے اختیارات ݙے ݙتن، وفاقی وزیر داخلہ محسن نقوی
مضمون کا ماخذ : پاور بال جیتنے کے طریقے
متعلقہ مضامین
.jpg)
