اسلام آباد۔27نومبر (اے پی پی) وفاقی وزیر اطلاعات، نشریات، قومی ورثہ تے ثقافت عطاءاللہ تارڑ آکھیا جو پی ٹی آئی بغیر ثبوت لاشاں تے سیاست کرݨ چاہندی اے، سکیورٹی فورسز دے آپریشن اچ کوئی اسلحہ استعمال کائنی تھیا۔ اگر لاشاں ہن تاں پوسٹ مارٹم اتے ٻئے ثبوت پیش کیتے ونڄن۔ پی ٹی آئی آپݨِے احتجاج اچ سرکاری املاک دا ضیان کیتے۔ بدھ کوں پی ٹی آئی دے احتجاج بارے اہم ڳالھ مہاڑ کریندیں ہوئیں انہاں آکھیا جو پی ٹی آئی دے دھرنے پاروں تھیوݨ آلے نقصان دا تخمینہ لاتا ویندا پئے۔ پی ٹی آئی دے شرپسنداں قانون نافذ کرݨ آلے اداریاں کوں نشانہ ٻݨائے۔ رینجرز اتے پولیس دے جوان شہید کیتن۔ وفاقی وزیر آکھیا جو علی امین گنڈاپور آپݨے رلے خیبرپختونخوا حکومت دے جدید اسلحہ نال لیس سادہ کپڑیاں اچ پولیس اتے سکیورٹی اہلکار آندن۔ انہاں کنے آنسو گیس شیل اتے شیل فائل کرݨ آلی گنز ہن۔ انہاں پتھراؤ کیتا۔ انہاں بغیر ثبوت اتے دلیل دے سوشل میڈیا تے پیراپیگنڈا شروع کیتے۔ تھوڑی دیر پہلے پولی کلینک انتظامیہ وی بیان جاری کیتے جو کوئی لاشاں کائنی آئی۔ وفاقی وزیر عطاءاللہ تارڑ آکھیا جو انہاں گزریل رات ڈی چوک توں سیونتھ ایونیو تئیں پورے ایریا دا چکر لاتے اتے پوری رات اتھ رہین۔ انہاں آکھیا جو پی ٹی آئی دے دھرنے توں 37 افغان باشندے گرفت??ر تھین۔ انہاں دے نال نال ٻہوں ایجھے لوک وی ہن جنہاں دا دہشت گردی، چوری، ڈکیٹی توں ت??لق اے۔ لاشاں دی ڳالھ کرݨ آلے ثبوت پیش کرن۔ انہاں آکھیا جو پی ٹی آئی احتجاج اچ 150 توں ودھ پولیس اہلکار زخمی تھین۔ پولیس اتے رینجرز دے اہلکار شہید تھین۔ پی ٹٰی آئی سوچے سمجھیے منصوبے دے تحت بیلاروس دے صدر دے دورے کوں سبوتاژ کرݨ چاہندی ہئی۔ جیڑھے لوک گرفت??ر تھین انہاں توں تفتیش تھیندی پئی اے۔ 37 افغانیاں تو?? اساں 43 گناں برآمد کیتن۔ ، گرینیڈ، گنز، آنسو گیس چلاوݨ آلی گنز، جدید اسلحہ انہاں کول ہئی۔ عطاءاللہ تارڑ آکھیا جو قومی نظریے دے نال اساں ملک تے قوم دے فیدے کیتے کم کرݨے۔ اے لوک ناک??م تھی ڳئن۔ انہاں دا ںظریہ ناک??م تھی ڳئے۔ انہاں دی سیاست مُک ڳئی اے۔ وفاقی وزیر آکھیا جو احتجاج ویلھے انہاں دی قیادت کتھ ہئی۔ عاطف خان، شہر??م تراکئی، اسد قیصر، سلمان اکرم راجہ، حماد اظہر، شیخ وقاص کتھ ہن۔ ہݨ تساں قومی فیدے دے خلاف اسلام آباد تے دھاوا پاوݨ دی جرات نہ کر سڳسو۔
پی ٹی آئی بغیر ثبوت لاشاں تے سیاست کرݨ چاہندی اے، سکیورٹی فورسز دے آپریشن اچ کوئی اسلحہ استعمال کائنی تھیا، عطاءاللہ تارڑ
مضمون کا ماخذ : آن لائن اسکریچ کارڈز
متعلقہ مضامین
.jpg)
