حکومت صوبیں کوں ہر ممکن وسائل ڈیندی پئی اے ، وزیراعظم ولوں یقین ڈویندی آں جو موجودہ حالات اچ سارے رلے ہن ،
اسلام آباد ۔ 21 مارچ (اے پی پی)وزیر اعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو موجودہ حالات اچ عوام دے جان و مال دا تحفظ پہلی ترجیح اے ،حکومت صوبیں کوں ہر ممکن وسائل ڈیندی پئی اے ، وزیراعظم ولوں یقین ڈویندی آں جو موجودہ حالات اچ سارے رلے ہن۔، اساکوں ہک قوم بنڑ تے دنیا کوں سنھیا ڈیونڑاں اے جو اساں خطرے نال نبڑ سگدوں ، موثر میڈیا حکمت عملی متعلق اجلاس دا مقصد میڈیا کوں وختی تے درست معلومات دی فراہمی تے سوشل میڈیا تے چلنڑ آلیاں نقلی خبراں دا تدراک اے ۔ اناے گال انہاں ہفتے کوں کورونا وائرس دے حوالے نال موثر میڈیا حکمت عملی متعلق اجلاس دی صدارت کریندے ہوئیں آکھی اے ۔صوبائی وزرائے اطلاعات و نشریات ویڈیو کانفرنس دے ذریعے اجلاس اچ شرکت کیتی۔ معاون خصوصی اطلاعات و نشریات آکھیے جو کورونا وائرس دے خطرے کوں گھٹ کرنڑ کیتے حکومت صوبیں کوں ہر ممکن وسائل ڈیندی پئی اے ۔ انہاں آکھیے جو گزریل ڈینھ وزیراعظم دی زیر صدارت قومی سلامتی دے اجلاس اچ وی انہاں اقدامات دا جائزہ گھدا گے تے موجودہ حالات اچ عوام دے جان تے مال دے تحفظ کیتے اہم فیصلے کیتے گن جیں تے عمل درآمد ضروری اے ۔معاون خصوصی اطلاعات و نشریات آکھیے جو میڈیا کوں وختی تے درست معلومات دی فراہمی یقینی بنڑیندے پیوں تے موثر میڈیا حکومت عملی متعلق اجلاس دا مقصد وی درست اعدادوشمار تے اقدامات متعلق معلومات میڈیاں دے ذریعے عوام توں پجاونڑاں اے ۔اساکوں وباءکوں ہرا ڈیونڑ تئیں اختلافات تے مفادات کوں بھلاونڑاں اے کیوں جو موجودہ حالات اچ عوام دے جان تے مال دا تحفظ پہلی ترجیح ہوونڑیں چاہیدی اے ۔انہاں آکھیے جڈاں اساں ایں وبا نال نبڑ گھنسوں تاں سیاست وی تھی ویسی ۔انہاں عوام تے زور ڈتے جو گھراں توں باہر نہ نکلن تے احتیاط کرن جیرھی جو ہر ویلھے میڈیا دے ذریعے ڈسائی ویندی پئی اے ۔انہاں آکھیے جو لاک ڈاﺅن دا اختیار صرف وزیراعظم کنے ہے ۔سماجی ملنڑ جلنڑ گھٹ کرتے وبا نال نبڑیا ونج سگدے۔
موجودہ حالات اچ عوام دے جان و مال دا تحفظ پہلی ترجیح اے ، معاون خصوصی اطلاعات و نشریات ڈاکٹر فردوس عاشق اعوان دا صوبائی وزرائے اطلاعات و نشریات دے نال وڈیو کانفرنس اجلاس توں خطاب
مضمون کا ماخذ : مڈاس گولڈ
متعلقہ مضامین
