اسلام آباد ۔ 9 دسمبر (اے پی پی) صدرمملکت ڈاکٹر عارف علوی آکھیے جو بدعنوانی ہک ناسور ہے، مادر وطن توں کرپشن دے جن کوں ختم کرنڑ دی ضرورت ہے، کرپشن مکاونڑحکومت دی پہلی ترجیحات وچوں ہک ہے۔ایںچیلنج نال نبڑن سانگے سنجھیاں کوششاں دی ضرورت ہے، حکومت ایںموذی بیماری کوں مکاونڑ سانگے پرعزم ہے، نیب کلھا ایہ جنگ نی جیت سگدا،اوہ کرپشن مکاونڑ دے عالمی ڈینھ دے موقع تے معاشرے دے سارے طبقیاں تے زور ڈ یندے، کپشن مکاونڑ سانگے اساکوں اپنڑاںحصہ پاونڑ پوسی۔صدرمملکت ڈاکٹر عارف علوی انسداد بدعنوانی دے عالمی ڈینھ دے موقع تے ایوان صدر توںجاری تھیونڑ آلے پیغام اچ آکھیے جو اقوام متحدہ دے کنونشن برائے انسداد بدعنوانی دی31 اکتوبر 2003 ءاچ توسیع دے بعد ایہ ڈینھ ہر سال 9 دسمبر کو ں منایا ویندے ،جیندا مقصد مالیاتی جرماں دے خلاف عوام کوں ڈساونڑ ہے۔ایہ ڈینھ نہ صرف پاکستان دے عوام بلکہ دنیادیاں ساریاںقوماں کو ںبدعنوانی دے اثرات دی یاددہانی کرویندے، ایں لعنت توں کوئی ملک پاک کائنی ، ایہ سارے معاشراں سانگے ہک خطرہ ہے۔ انہاں آکھیا جو قومی احتساب بیوور انسداد بدعنوانی دا ہک معزز ادارہ ہے جیندی ا یہ ذمہ داری ہے جوا وہ ایں لعنت تے نظر رکھنڑ دے نال نال کپشن دے حوالے نال عوام کوںشعور ڈیونڑ۔انہاں آکھیے جو ضرورت ایں گالھ دی ہے جو مادر وطن توں ایں لعنت کوں مکایا ونجے جیرھا جوموجودہ حکومت دی اولین ترجیحات وچوں ہک ہے۔ صدرمملکت آکھیا جو بدعنوانی ہنڑدنیا کو ںدرپیش وڈے چیلنجاں وچوں ہک ہے ،ا یہ ترقی اتے خوشحالی دے را??تے اچ وڈی رکاوٹ ہے۔ بدعنوانی معاشرہ دے ہر طبقہ اتے اقتصادی خوشحالی کو ںکھاندی پی ہے۔ بدعنوانی پاکستان اچ معیشت دے نال نال کاروبار کوں وی نقصان پجیندی پی ہے۔ انہاں آکھیا جو کرپشن دے اثرات اساڈیاں زندگیاں اچ ہر ]پاسے کھنڈے ہوئے ہن لیکن معیشت کوں ایندے توں ودھ نقصان برداشت کرنڑ پوندے اتے قوم دی خوشحالی متاثر تھیندی ہے۔ صدرمملکت آکھیا جو کرپشن دے نال معیشت مناسب انداز اچ کم کرنڑ دے قابل نی راہندی کیونجو بدعنوانی ملک دے قنون کوں آزادانہ کم کرنڑ توں روکیندی ہے ،ایندے نتیجے اچ بدعنوانی قوم دی سیاست اتے اقتصادی عمل دے نتیجہ اچ سارا معاشرہ متاثر تھیندے۔ صدرمملکت آکھیا جوسرکاری خزانہ کوں رشوت ?? غبن ، فنڈز دے غیرمناسب استعمال جئی بدعنوانی دی وجہ نال اربوں روپے دا سالانہ نقصان تھیندے جیندے اثرات براہ را??ت حکومت دی قابلیت تے پوندن اتے اوہ عوام کوں بنیادی وسائل ڈیونڑ دے قابل نی راہندی ۔انہاں آکھیا جو ایں چیلنج نال نبڑن سانگے سانجھایںکوششان دی ضرورت ہے، حکومت ایں موذی بیماری کوں مکاونڑ سانگے پرعزم ہے ، نیب کلھا ایہ جنگ نی جیت سگدا۔ انہاں آکھیا جو اوہ اج دے ڈینھ معاشرہ دے سارے طبقیاں تے زور ڈیندن جو اساکوں اپنڑے رویاں اچ تبدیلی سنگے ہک مٹھ تھی تے کھڑنا پوسی اتے بدعنوانی مکاونڑ سانگے اپنڑاں حصہ پاونڑ پوسی ،تاں جوخوشحالی سانگے اقتصادی ترقی اچ تعاون کیتا ونج جا سگے۔
بدعنوانی ہک ناسور ہے، مادر وطن توں ایں لعنت کوں مکاونڑدی ضرورت ہے، کرپشن ختم کرنڑ حکومت دی پہلی ترجیحات وچوں ہک ہے صدرمملکت ڈاکٹر عارف علوی دا انسداد بدعنوانی دے عالمی ڈینھ دے موقع تے پیغام
مضمون کا ماخذ : resultados loteria Bahia
متعلقہ مضامین
