اسلام آباد 14 مارچ (اے پي پي)وزيراعظم محمد شهباز شريف وئېلي دي د نړيوال مالياتي فنډ(آئي اېم اېف) سره به د سټاف ليول لوظ نامه په يو څو ورځو كښې اوشي٬حكومت د آئي اېم اېف سخت ترين شرطونه منلې دي٬سېلاب قامي معيشت هم ځپلے دے٬د پخوانې وزيراعظم عمران خان د امريكې لخوا د حكومت بدلولو په اړه شرمناك دروغو هم غېر يقيني صورتحال راپیدا كړے۔د دې خيالاتو څرګندونه ده يو شخصي ټيلي ويژن چينل سره مركه كښې وكړه۔ده ووئيل د آئي اېم اېف سره دا عمل كاميابولو لپاره زمونږ د ډلې سره سره د نورو قامي ادارو د اړخه هم هڅې روانې دي۔ده د خپل حكومت د يو كال كاركردګۍ٬معاشي صورتحال٬انتخابات٬د توشه خانه رېكارډ٬او د ګوند چارو سره سره د نيوز اينكر ارشد شريف د وژنې پلټنو پشمول په بېلو قامي چارو تفصيلي خبرې وكړې۔ده ووئيل چې كله زه اقتدار له راغلم نو زه نه ووم خبر چې زما نه وړاندې وزيراعظم عمران خان د آئي اېم اېف سره داسې شرائط منلې دي د كومو نه چې هغه بيا وروستو په شا شوے او د پاكستان تشخص ته زيان رسېدلے ٬ ده ووئېل هم دا سبب دے چې آئي اېم اېف مونږ هغه شرطونو منلو او په هغې عملدرآمد لپاره هڅې كوي۔په دې كښې شك نشته چې په دې حالاتو كښې په عام وګړي اثرات مرتب شوي۔ده ووئيل د عام وګړي ستونزو ترمخه حكومت د بېنظيرانكم سپورټ پروګرام د لارې د رېليف وركولو پريكړه كړې خو ده ووئيل د يوكرين جنګ په سبب درآمدي افراط زر هم د سرې او د تېلو په نرخونو كښې د اضافې په صورت هېواد متاثره كوي۔وزيراعظم ووئيل سېلاب هم قامي معيشت ځپلے دے٬د پخواني وزيراعظم عمران خان د امريكې د اړخه د حكومت بدلولو په اړه شرمناك دروغو هم غېر يقيني صورتحال راپېدا كړے۔وزيراعظم ووئيل د چين غوندې دوست هېواد د پاكستان مرسته كوي حالانكه عمران خان هغوي سره د ورورولۍ اړيكو ته زيان رسولے ٬ ده ووئېل د ځايې ټېلي ويژن چينلو سره سره د ډيلي ميل د لارې د پي ټي آئي قيادت د اړخه په ده د لګولې شوو بې بنسټه تورونو ذكر كولو كښې وزيراعظم ووئيل د برتانيې خپرونې ادارې بخښنه غوښتې او د برتانيې نېشنل كرائم ايجنسۍ هم د هغه وخت حكومت د اړخه د لګولے شوو تورنو نه زه بري كړے يم۔
د نړيوال مالياتي فنډ سره د سټاف ليول لوظ نامه به په يو څو ورځو كښې اوشي۔د وزيراعظم محمد شهباز شريف ټېلي ويژن چينل سره مركه
مضمون کا ماخذ : اسکریچ کارڈز کی جیت
متعلقہ مضامین
