اسلام آباد 30 مارچ (اے پي پي) وزيراعظم عمران خان وئيلي دي بې باورۍ تحريك جمهوري طريقه كار او د پارلماني جمهوريت برخه دے خو اوسنے عدم اعتماد بهرنے سازش دے، دستاوېزي ثبوت سينئر خبريالانو او اتحادي نمائندګانو ته د ښودلو پرېكړه شوې ، غړي دې دا فكر ضرور وكړي چې ھغوي د پاكستان په ضد د كوم نړيوال سازش برخه ونه ګرځي، اي پاسپورټ به پاکستان كښې د سېلګرۍ ودې او د تاركين وطن لپاره يو لوي سهولت وي، د پاکستان د سباٶن دارومدار په سېلګرۍ دے، مونږ سېلګرۍ ته د صنعت درجه وركړې۔ وزيراعظم دا خبرې د شورو په ورځ په اسلام آباد كښې د اي پاسپورټ پرانستې په موقع خپل وېنا كښې وكړې۔ وزيراعظم داخله وزارت او نادرا ته د دې سهولت په پېل كولو مباركي وركولو سره ووئيل په نړۍ كښې ټيکنالوجۍ د اولس په ژوند كښې آسانۍ راپېدا كړي٬ دې سره كرپشن ختم شوے۔ ده ووئيل په شوكت خانم هسپتال كښې مونږ 22 كاله وړاندې ټول نظام پېپر لېس كړے ٶ چې ورسره په روغتون كښې د داروګانو او په نور كرپشن كښې كمے راغلے۔ وزيراعظم ووئيل په هېواد كښې په لويه كچه كرپشن كېدو ، لكه څنګه چې په نېشنل هائي وے اتھارټي كښې د كال 2013 په مقابل كښې په كال 2021 كښې په جوړېدونكو موټروېز د كلوميټر په سر لګښت 23 كروړه روپۍ كم دے دغسې په دغه كښې د يو زر اربه روپو كرپشن شوے ، خو د اي ټېنډرنګ د لارې په دغه كښې كمې راغلے۔ وزيراعظم ووئيل د دې هېواد خواري كښه طبقه كومه چې بهر هېوادونو كښې خواري مزدوري كوي د ھغوي ترسېلات زر څخه د كرنټ اکاؤنټ خساره او په درآمدات او برآمدات كښې فرق لرې كولو له مرسته ترلاسه كېږي، سږ كال هېواد پرېښودلو وطن ته 31 اربه ډالره رېكارډ ترسيلات زر رالېږلي٬ دغه كسانو ته چې كوم سهولتونه وركړے كېږي ھغه لږ دي۔ ده ووئيل اي پاسپورټ محفوظ هم دے او دې سره به د وخت بچت او زيات سهولت ترلاسه كېدو سره په هېواد كښې سېلګرۍ ته ګټه ورسي،د پاکستان سباون لپاره د سېلګرۍ كردار مهم دے، ده ووئېل درآمدات او برآمدات كښې رامخې ته خليج د ترسيلات زر او د سېلګرۍ د لارې لرې كېدے شي۔ وزيراعظم ووئيل د پاکستان دا خوش قسمتي ده چې ورته د هر ډول سېلګرۍ د زړه راښكونكي مركز مقام حاصل دے، مونږ سېلګرۍ ته د صنعت درجه وركړې ٬ ده ووئېل ريزارټ جوړولو لپاره مراعات وركوٶ ځكه چې د سېلګرو په دغې ريزارټ كښې پاتې كېدو سره به پاكستان ته سرمايه ترلاسه شي٬ ځكه مونږ په سكردو كښې نړيوال هوائي مېدان جوړ كړے ٬ د دې نه وړاندې به د موسم خرابۍ له امله اسلام آباد څخه سكردو او د ګلګت پروازونو كښې څو څو ورځې تاخير كېدو چې په سبب به ئې د تعطيلات لمانځونكو وخت ضائع كېدو٬ د سکردو انټرنېشنل ايئرپورټ ته به اوس نېغ په نېغه پروازونه ځي۔ وزيراعظم ووئيل دا هېواد بلها موقعې او صلاحيتونه لري ۔ وزيراعظم ووئيل په پارلماني جمهوريت كښې سياسي بحران ځي راځي او عدم اعتماد يو جمهوري عمل دے خو د عدم اعتماد اوسنے تحريك بهرنے سازش دے،كومو كسانو چې به د بهر هېوادونو څخه په ټېلي فون كال ټول هېواد كنټرول كولو ھغه كسان دا بېخي نشي برداشت كولے چې داسې قيادت راشي چې د هېواد مفادات له پرېكړې وكړي۔ ده ووئيل په ماضي كښې د ترهګرۍ په ضد جنګ كښې د هېواد لوي ځاني او مالي زيان شوے٬ قبائيلي سيمو څخه 35 لكه كسانو كډه كړې، دلته ډرون بريدونه كېدل خو چا د دغې سبب نه دې پوښتلے ، ده ووئېل كوم بل هېواد ته ګټه رسولو لپاره د خپل هېواد د مفادات سودا شوې۔ وزيراعظم ووئيل په خپلواكه خارجه پاليسۍ كښې د خپل هېواد مفاد مقدم ساتلے شي، د عدم اعتماد د سازش دستاويزي ثبوت سينئر خبريالانو ته د ښودلو پرېكړه شوې او قام ته حقائق معلوم دي٬ ده ووئېل د خپل هېواد مفادات لپاره دا ثبوت بل چا ته مونږ نه ښودل خو دا شكونه راپېدا كولے شول چې ګنې دا يوه ډرامه او لوبه ده، دې لپاره دا ثبوت د سر خبريالانو ته د ښودلو پرېكړه شوې ، دغسې د دې سازش برخه جوړېدونكو د اتحادي ګوندونو يو يو نمائنده ته به هم دا ثبوت ښائيم، دا سازش چې څومره مونږ يادوو د دغې نه هم زيات دے۔ ده ووئيل غړي چې څه پرېكړه هم كوي خو دا دې خامخا سوچ وكړي چې د پاكستان په ضد د نړيوال سازش برخه ونه ګرځي۔ وزيراعظم په دې موقع د اي پاسپورټ پرانسته وكړه او داخله وزير شېخ رشيد احمد په دستوره كښې د وزيراعظم عمران خان هركلے وكړو
د بې باورۍ تحريك بهرنے سازش دے، دستاوېزي ثبوت سينئر خبريالانو او اتحادي نمائندګانو ته د ښودلو پرېكړه شوې ، غړي دې دا فكر ضرور وكړي چې ھغوي د پاكستان په ضد د كوم نړيوال سازش برخه ونه ګرځي۔ د وزيراعظم عمران خان د اي پاسپورټ پرانستې په موقع وېنا
مضمون کا ماخذ : خوش قسمتی کا رش
متعلقہ مضامین
