اسلام آباد ۔ 18 مارچ (اے پی پی) مشیر خارجہ سرتاج عزیز دولت مشترکہ دے بنیادی اقدار کوں اجاگر کرنڑاچ ایکشن گروپ دے کردار دی تعریف کریندے ہوئیں آکھے جو پاکستان امن ، ترقی اتے جمہوریت دے فروغ اچ دولت مشترکہ تے انہاں دے نال جڑیاں ہویاں تنظیماںکیدکردار کوں بہوں اہمیت دیندے ۔ لندن توںملنڑ آلے ہک پیغام دے مطابق امور خارجہ بارے وزیراعظم دے مشیر اے گالھ لندن اچ دولت مشترکہ وزارتی ایکشن گروپ دے 50ویں اجلاس نال الیندے ہوئیں آکھی۔ انہاں دولت مشترکہ سیکرٹریٹ اتے رکن ملکاں وچال درمیان مسلسل رابطے دی اہمیت اُتے زور ڈتے ۔ برطانیہ اچ پاکستان دے ہائی کمشنر سید ابن عباس وی مشیر خارجہ دے نال موجود ہن ۔ قبرص دے وزیر خارجہ دی صدارت اچ تھیونڑآلے اجلا س اچ دولت مشترکہ دے مختلف رکن ملکاں دے وزرائے خارجہ اتے مشیراں شرکت کیتی۔دولت مشترکہ دی سیکر??ری جنرل پیٹریسیا سکاٹ لینڈ وفود کوں جمہوری عمل کوں مستحکم کرنڑ سانگے رکن ملکاں نال مسلسل رابطیاں بارے ڈسایا ۔ دولت دولت مشترکہ وزارتی ایکشن گروپ دے اجلاس اچ پائیدار ترقی اتے امن دے حصو ل کیتے نینگراں کوں بااختیار بنڑاونڑ بارے وی غور کیتا گیا۔ایں مو??عے تے سرتاج عزیز پرنس آف ویلز شہزادہ چارلس نال ملاقات دے دران مفید گالھ مہاڑ کیتی ۔ پرنس چارلس پاکستان اتے برطانیہ وچال مستحکم ڈو طرفہ تعلقات دی تعریف کیتی اتے پاکستانی عوام اتے حکومت کیتے نیک تمناواں دا اظہار کیتا۔مشیر خارجہ انہاں کوں پاکستان دے دورے دی دعوت ڈتی ۔ پرنس آف ویلز آکھیا جو ا و حکومت پاکستان اتے لوکیں دی مہمان نوازی دی تانگھ اچ ہن اتے تکھے پاکستان دا دورہ کریسن ۔
مشیر خارجہ سرتاج عزیز دا لندن اچ دولت مشترکہ وزارتی ایکشن گروپ دے 50ویں اجلاس نال خطاب
مضمون کا ماخذ : لاٹری ٹکٹ لائیو
متعلقہ مضامین
.jpg)
